يوميات

أي شي صار معك اليوم حسسك (بالقوة الضعف الفرح الحزن الجمال القبح الأمل الظلم..........وخود ع كيفك)
موقف إنت عملتو أو شفتو من حدا
وحبيت تتشاركو معنا

هالفكرة كتييير حلوة ريمي (هلق انا مرضانة وفوق كل مرضي مجبورة داوم لانو عنا عملي ومتل ما بتعرفو غياب العملي محسوب علينا فانا مضطرة داوم
واليوم
وخلال دوام العملي
تعبت كتير وشافني الدكتور وقلي انو بدك جلسة ارذاذ
طبعا الشي الحلو بالموضوع
انو رفقاتي كانو كلن جنبي
وحدة تمسكلي ايدي
ووحدة تحطلي كمادات لانو حرارتي ارتفعت
وما تتخيلوا شقد كنت تعبانة
بس بوجودن كتيييير فرحت
لانو ما احلى من الصداقة الحقيقية بهالايام

اليوم المدربة كانت قاسية معانا
منّا كره حالو والتاني طنّش والبعض بكي
وبعد ماعصّبنا وما خلينا كلمة...
كل واحد فينا بينو و بين نفسو كان عرفان إنو هاد لمصلحتنا لنصير أقوى
وتناقشنا بهلحكي
المدربة كان بدا يانا واثقين من شغلنا
والأهم إنها فهمتنا إنو دائماًلازم نتدرب على أداء المهارة على المريض بالشكل الصحيح مشان تاخد إيدا على الصح دوماً
مشان تاني مرة وقت بتقيمنا ما نتلبك ولا نخاف لأنو شغلنا صح بوجود المدربة أو لأ
نحنا نزلنا زعلانين لأنو العلامات طاروا و تبهدلنا
بس الحق فعلاً تعلمنا كيف لازم نشتغل
حفّزتنا لبذل جهد أكبر
وجواتنا تولد دافع لنكون أفضل

اليوم كان كتير حلو مو لأنو حلو بس لأنو خلص هلأسبوع

اليوم كان في احتفال بمدرستنا بمناسبة اليوم العالمي للتلاسيميا
الون كذا يوم طلاب التالت مشغولين وعم يعلقوا منشورات ويشجعوا للتبرع وهلكانين بمشاريع التخرج
حطوا بالساحة خيمة كبيرة واجى شوية ناس تبرعوا بالدم بس أكيد القسم الاكبر كان من طلاب التمريض واساتذتنا والمدربين والمشاركة شغالة مع شرطة المشفى والممرضين والصيدلة.......والكل بالخيمة مشغلين اغاني وطنية (متل أيام المدرسة الابتدائية)
بتلاقوا هاد يلي حامل كيس تبرع ورايح وكل رفقاتو عم يهتفوا وراه
وهاد الراجع وكيسو مليان وعم يطالب ايمتا بيطلعوا الفحوصات مشان يتأكد اذا معو ايدز أو التهاب كبد.....
والبنات كلون غموا وانا دايرة بينهن وعم قول يا بنات لا حدا يتبرع هلق بتدوخوا وبيتضحكوا عليكون (ومين ما سالني تبرعتي بقلن باشر )
وكلوا كوم وكان الجو خيلةعم نفتّل انا وعلا بين هالطلاب عساس مأشرفين ع الشغل
هالشباب كلون نخوة وبركة وتعبوا بس الكل مبسوط
حطوا سارية السواس وعلقت الدبكة واشتهيناكن معانا


باشر:أي غداً -

اصلا احلى شي النوم
وهو اللي ما عم شوفو هالايام
لانو الحمدالله نظام التمريض بالفحص غير كل الجامعات والمعاهد
بنضل مرتاحين كل الفصل وبالاخير بننكبس كبس بالمذاكرات والفحوص
ايمت رح يتغير هالنظام
بدي ارجع نااااااااااااااام

اليوم جمعة يعني كل شي معطل ومن ضمنهن عقلي وذاكرتي

من كام يوم كان*****يوم بحياتي
توفى رفيقي بمرض السرطان(الله يرحمه
وتقاتلت مع صاحب الشغل وتركت الشغل
وتقاتلت مع والدي وطفشت برا البيت
و ماكان معي حتى اجار باص
وحبيبتي غايبة عن عيوني صرلا فترة منيحة
وبس

الله يرحمو ويرحمنا اجمعين
ياسين هيك الدني
بنكبر وبنصير نفهما اكتر واحيان بنتمنى انو ما نفهم
الحمد لله

مشكورة صديقتي بس عادية كتير
تعودت